قصيدة للشاعر حازم الصبيحي يارب تعجبكم
اللي قبل كانولي أونا كنتلهــــــم ...... عقلي ركنهــــــــم
أعزاز وين ما جني سوايا منهــــــــــم
كانولي غوالــــــي ...... أوكانوا قبل روحي أوراس مالــــي
أوكانوا طيف ديما في خيالــي ..... عقلي اليوم تفكيره رفضهـــــم
أوكان اللهم ود أوقدر عالــــي .... اليوم أكرهت حضني اللي حضنهـــم
داروا سوايا عطبولي حالــــي .... بيا رخوا وين كنت محتاجلهـــــم
لا تحزني ياعين لا تنهالـــــي .... أبكانا أوسهرنا راه ما يشغلهـــــم
بعد صنتهم داروا أعزاز بدالــــي .... كيف ما نسونا قطعي دفترهــــم
كانولي زمان ...... أعزاز أو قلب ينبض بالحنان
أوفيهم قلت ما نخصر أرهان .... خانوا قلب عمره ما خذلهـــــم
أفعز الخوف كانولي أمان .... اليوم أنخاف لو واحد ذكرهـــــــم
بيهم وين يجمعني مكان .... أيضيق العلم نهرب من نضرهــــم
كانوا الفرح تمولي أحزان .... الله كريم يرزقني عوضهـــــم
كانوا قبل يقسوا ...... كانوا أعزاز في عيني أويسووا
تموا أصغار وين الصوب نسيوا .... حتا العقل من غله نفرهــــم
مينا القلب كانوا فيه يرسوا .... أبكل الحب فالماضي غمرهــــــم
شن اللي صار خلاهم أنتكسوا .... عالسيات ما والي جبرهــــــم
داروا العيب للغيري أنتسبوا .... أونا اللي كنت فالضيقة ظهرهــــم
الشينا أبجد فالماضي أنحسبوا .... كلا القلب فالحاضر نكرهـــــــم
الرئيسية 
